2016大阪遊之二 - (白濱)

第二日一早就出發去白濱了, 白濱是一個溫泉區, 離大阪市中心有一段距離, 所以搭JR去都要成2個幾鍾, 由於車費比較貴, 所以一早買了張5天的JR West Kansai Wide Area Pass 使用。

 

由白濱JR站到酒店及各景點都有各路線的巴士的, 只要搭對就可以到目的地….. 巴士是上車時取票,到站按票上號碼付車費的 (由於第一天買了巴士的ONE DAY PASS, 所以到第二日搭先知), 如沒有取票, 就得付全程的價錢了… 而去酒店之前, 我地先去 “Toretore市場”。

墮呢墮呢市埸有好多新鮮魚生, 亦設有燒烤區﹑壽司區及熟食區, 當然我地緊係買新鮮TORO食啦, D大TORO真係太好味啦啦…啦….啦…啦…….(回味中)。亦買了一些魚及帶子刺生。

 於市埸內亦買了一些手信及水蜜桃, 最後見到有人買了好多好似電燈膽既野食, 我地都買埋一份, 打算回酒店食。D水蜜桃真係好好食, 個電燈膽係包住成個金的大福.......200%美味!!!

 

 

由於我們訂了5時半的晚餐 (分兩埸, 好似係5點半同8點) 同真係好累的關係(個背包超重的), 所以行完墜呢墮呢既市場之後就番酒店CHECK-IN了。

今次住的酒店係 “海舟”--

 

環境真的是非常之好, 一入酒店就同你KEEP住對鞋, 坐低等CHECK-IN, 之後去選浴衣。

這家溫泉酒店有分開男女的室內溫泉, 有3個私人露天溫泉同一個男女露天溫泉, 浸先重有雪條任食TIM…

這是其中兩個私人露天溫泉

室內溫泉同男女露天溫泉不准影相, 用酒店的照片POST出來

男女露天溫泉

室內溫泉

酒店房同景觀都超好的!

到酒店HEA一陣, 浸下溫泉, 好快就到食晚飯的時間。

晚餐係一早BOOK既定食…有好多細細碟又排得好好既食物, 有魚生﹑鮑魚﹑牛肉鍋..等, 原先非常期待這個一泊兩食的晚餐, 但真心講大部份都係好睇唔好食的… 可能是下午食了非常好的午餐, 晚上這餐確實比較失色了。比較好的是餐前的酒, 真的好好飲..!

食完晚餐想去沙灘睇日落.. 可惜太晚了。只好在餐廳拍了幾張相….. ..

沙灘很美, 去到沙灘行了一會就天黑了, 放了一些花火就回酒店, 又浸了一會溫泉後酒店提供免費的拉面, 完成了美好的一天。